Ish-pjesëtari i Ushtrisë Çlirimtare të Kosovës (UÇK), Fadil Pushkolli, ka njoftuar se është arrestuar në pikën kufitare Bllacë–Elez Han, në territorin e Maqedonisë së Veriut.
Sipas Pushkollit, arrestimi është bërë bazuar në një urdhër të lëshuar nga autoritetet serbe.
LEXO EDHE: Sërish zjarr në qytetin e Vlorës, flakët përfshijnë edhe disa banesa
“Dëshiroj t’ju njoftoj se jam arrestuar në pikën kufitare Bllacë–Elez Han, në territorin e Maqedonisë së Veriut, bazuar në një urdhër të lëshuar nga autoritetet serbe”, ka shkruar ai
Pushkolli ka thënë se, sipas informacionit që i është dhënë, arrestimi lidhet me të kaluarën e tij si pjesëtar i UÇK-së.
LEXO EDHE: Ky është 50-vjeçari që humbi kontrollin e motorit, u rrëzua dhe vdiq në Lezhë, la pas gruan, dy djem e dy vajza (EMRI-Foto)
“Arrestimi, sipas informacionit të dhënë, lidhet me faktin se jam pjesëtar i Ushtrisë Çlirimtare të Kosovës (UÇK)”, thuhet në njoftimin e tij.
Ai u ka bërë thirrje institucioneve të Kosovës që të ndërmarrin masa për trajtimin e rastit dhe mbrojtjen e të drejtave të tij.
LEXO EDHE: “Do përfundojmë keq, shpirt “, dalin MESAZHET “intime” mes Vlora Hysenit dhe Ergys Agasit, SPAK gjeti diçka të paimagjinueshme në shtëpi: DO ia hedhim, ne do
“Kërkoj që institucionet e Republikës së Kosovës të marrin menjëherë të gjitha masat e nevojshme për trajtimin e këtij rasti dhe mbrojtjen e të drejtave të mia”, ka deklaruar Pushkolli