Këshilli i Ministrave ka liruar nga detyra drejtorin e përgjithshëm Altin Jani dhe ka emëruar në këtë post Ermal Jaurin.
Qeveria ka bërë një ndryshim në drejtimin e Autoritetit Kombëtar të Sigurisë së Informacionit të Klasifikuar, institucionit që vepron në fushën e mbrojtjes së informacionit të klasifikuar.
Këshilli i Ministrave ka liruar nga detyra drejtorin e përgjithshëm Altin Jani dhe ka emëruar në këtë post Ermal Jaurin.
Jani mbante postin e drejtorit të përgjithshëm që prej vitit 2024, ndërsa ishte pjesë e Autoritetit Kombëtar të Sigurisë së Informacionit të Klasifikuar që prej vitit 2012.
Njoftimi i plotë:
Për lirimin dhe emërimin në detyrë të drejtorit të përgjithshëm të Autoritetit Kombëtar të Sigurisë së Informacionit të Klasifikuar
Në mbështetje të nenit 100 të Kushtetutës; të shkronjës “ç”, të pikës 1, të nenit 67, dhe të nenit 66, të ligjit nr. 10/2023, “Për informacionin e klasifikuar”, me propozimin e Kryeministrit, Këshilli i Ministrave
Vendosi:
Z. Altin Jani, drejtor i përgjithshëm i Autoritetit Kombëtar të Sigurisë së Informacionit të Klasifikuar, lirohet nga kjo detyrë.
Z. Ermal Jauri emërohet drejtor i përgjithshëm i Autoritetit Kombëtar të Sigurisë së Informacionit të Klasifikuar.
Ky vendim hyn në fuqi menjëherë dhe botohet në Fletoren Zyrtare.
Zëvendëskryeministër
Albana Koçiu