Një aksident rrugor është regjistruar mbrëmjen e sotme në zonën e Pyllit të Sodës, në Vlorë, ku është përfshirë një motor, pikerisht prane vendit, ku vetem pak jave humbi jeten gazetari i njohur, Enrik Mehmeti.
Nga të dhënat paraprake mësohet se, si pasojë e aksidentit, një person ka mbetur i lënduar, duke pësuar dëmtime në trup.
Menjëherë pas njoftimit për ngjarjen, në vendin e aksidentit kanë mbërritur shërbimet e Policisë dhe një ekip i urgjencës mjekësore, të cilët i kanë dhënë ndihmën e parë personit të dëmtuar.
LEXO EDHE: Debat i rende ne BBVAL per cigaret!
Më pas, i lënduari është transportuar me ambulancë drejt spitalit, ku po merr trajtimin e nevojshëm mjekësor. Për momentin nuk ka të dhëna të detajuara lidhur me gjendjen e tij shëndetësore.
Ndërkohë, efektivët e Policisë kanë nisur veprimet në vendngjarje, ndërsa po kryhen verifikimet dhe këqyrja e zonës për të përcaktuar dinamikën, shkaqet dhe rrethanat në të cilat ka ndodhur aksidenti.
Pritet që pas përfundimit të veprimeve paraprake të ketë më shumë informacion mbi mënyrën se si ka ndodhur ngjarja.