Një automjet tip Hyundai Tucson është përmbysur në një nga rrugët e Durrësit, teksa po lëvizte në drejtim të Spitalit Rajonal.
Ngjarja ka ndodhur në aksin rrugor që lidh kryqëzimin e stadiumit me Drejtorinë e Policisë dhe Spitalin Rajonal të Durrësit.
Sipas të dhënave paraprake nga vendngjarja, automjeti po lëvizte me shpejtësi në një prej akseve të ngarkuara me trafik, kur për arsye që ende nuk janë të qarta, ka humbur kontrollin dhe është përmbysur në rrugë.
Mësohet se automjeti po udhëtonte drejt spitalit, pasi po dërgonte për ndihmë mjekësore një vajzë me temperaturë të lartë.
Paraprakisht nuk raportohet për persona të lënduar. Ndërkohë, pritet që të zbardhen rrethanat e plota të aksidentit./Top Channel