Një tragjedi familjare ka tronditur Izmirin, ku një 56-vjeçare dhe nipi i saj 4-vjeçar kanë humbur jetën pasi një zjarr përfshiu banesën e familjes.
Ngjarja ndodhi pasditen e së hënës në zonën e Çiğli-t. Sipas informacioneve paraprake, Rezan Korkmaz kishte arritur fillimisht të nxirrte nga banesa nipin tjetër, 2-vjeçarin Mert.
Megjithatë, 56-vjeçarja është rikthyer në banesën që ishte përfshirë nga flakët, në përpjekje për të shpëtuar nipin 4-vjeçar, Yigit. Të dy u gjetën pa shenja jete nga ekipet e zjarrfikësve.
LEXO MË SHUMË! “SKANDALI QË TRNDITI TIRANËN/ E dërgoi makinën vetëm për një servis, zbulon se ia kishin shitur dikujt tjetër!”
Trupi i gjyshes u gjet pranë fëmijës, çka ka ngritur dyshimet se ajo është përpjekur ta mbronte nipin gjatë momentit të zjarrit.
Gjyshi 59-vjeçar, Bayram Korkmaz, arriti të shpëtonte duke u hedhur nga dritarja e banesës. Ai pësoi djegie në duar dhe në shpinë dhe, pasi mori trajtim mjekësor në spital, u dërgua në banesë.
LEXO MË SHUMË! Aksident i RËNDË! Autobusi del nga rruga dhe përplas disa persona, dy viktima dhe të paktën 14 të plagosur (Video)
4-vjeçari Yigit pritej të festonte ditëlindjen e tij më 23 gusht.
Pas përfundimit të autopsive, trupat e gjyshes dhe nipit iu dorëzuan familjarëve. Ndërkohë, autoritetet turke kanë nisur hetimet për të përcaktuar shkakun e saktë të zjarrit dhe rrethanat e tragjedisë.