Një operacion i befasishëm policor është zhvilluar në orët e vona të mbrëmjes së djeshme në zonën e ish-Bllokut në Tiranë.
Burime jozyrtare bëjnë me dije se gjatë aksionit, forcat e Policisë kanë shoqëruar dhe arrestuar disa persona. Megjithatë, deri në këto momente nuk ka një reagim apo konfirmim zyrtar nga Policia e Shtetit lidhur me operacionin dhe personat e përfshirë.
Aksioni është zhvilluar në një nga zonat më të frekuentuara të kryeqytetit. Në pamjet e shpërndara në rrjetet sociale shihen disa makina të Policisë, ndërsa efektivët shihen teksa shoqërojnë disa persona.
Informacionet e mësipërme janë mbledhur nga burime në terren dhe nuk janë konfirmuar zyrtarisht nga autoritetet. Për më shumë detaje mbi aksionin, identitetin e personave të arrestuar dhe arsyet e ndërhyrjes policore pritet një reagim nga Policia e Shtetit.