Policia ka identifikuar dy viktimat që humbën jetën tek aksidenti i rëndë afër TEG-ut.
Viktimat janë Mohamed Lotf dhe Mohamed Ali, përkatësisht drejtuesi i betonieres dhe pasagjeri i betonieres.
I plagosur ndërkohë ka mbetur Roland Nuri
Betoneria që u përfshi në aksident i përket “Alba Beton”, në pronësi të Dukakëve.
Njoftimi i Policisë:
Tiranë/Informacion shtesë
Në vijim të informacionit paraprak të dhënë më herët për aksidentin e ndodhur te rrethrrotullimi i TEG-ut, ju informojmë se janë identifikuar dy personat që udhëtonin në kamionin (pompë betoni) konkretisht shtetasit e huaj:
-M. L., rreth 30 vjeç, drejtuesi i kamionit, i cili humbi jetën në vendngjarje;
-M. A., rreth 44 vjeç, pasagjeri, i cili, pavarësisht ndihmës mjekësore, ka ndërruar jetë në spital.
Ndërkohë, drejtuesi i automjetit tjetër, shtetasi R. N., rreth 28 vjeç, ndodhet në spital, jashtë rrezikut për jetën.
Grupi hetimor vijon punën për dokumentimin e plotë të rrethanave dhe shkakut të aksidentit.
