Kryeministri Edi Rama do të mbledhë të premten në një tryezë diskutimi Grupin Parlamentar dhe kabinetin qeveritar.
Mbledhja do të mbahet në Pallatin e Brigadave në orën 09:30 ku ende nuk dihet çfare do te diskutohet.
Po ashtu është bërë publik edhe mesazhi i cili ka mbërritur në celularët e deputetëve të Grupit Parlamentar Socialist në lidhje me mbledhjen.
“Të nderuar kolegë, Ju informoj se të premten, më datë 24.07.2026, në orën 09:30, do të zhvillohet Mbledhja e Zgjeruar e Grupit në Pallatin e Brigadave. Agjenda e mbledhjes do t’ju dërgohet së shpejti”, shkruhet në mesazhin dërguar deputetëve.
Ndërkohë kujtojmë se kjo mbledhje vjen rreth një muaj pas mbledhjes së fundit të zgjeruar të Partisë Socialiste.