Gjykata e Fierit ka lënë në fuqi masat e sigurisë për tre vajzat që dhunuan brutalisht 17-vjeçaren, ngjarje që ka shkaktuar reagime të shumta.
Gjatë seancës për vlerësimin e masave të sigurisë, gjykata pranoi kërkesën e Prokurorisë së Fierit, duke vendosur masën “arrest me burg” për 20-vjeçaren.
Për njërën prej dy 15-vjeçareve është vendosur masa e sigurisë “arrest në shtëpi”, ndërsa për të miturën tjetër gjykata vendosi masën “shtrim i përkohshëm në spital psikiatrik”.
Sipas gjykatës, masat janë përcaktuar duke marrë në konsideratë moshën e secilës prej të dyshuarave, si edhe shkallën e përfshirjes së tyre në ngjarjen që po hetohet.
Ndërkohë, hetimet për zbardhjen e plotë të rrethanave dhe përgjegjësive të këtij rasti vijojnë nën drejtimin e Prokurorisë së Fierit.