Në përfundim të protestës së 30-të qytetare në Tiranë, organizatorët kanë njoftuar një tjetër mobilizim për ditën e nesërme.
Qytetarët janë thirrur të mblidhen nesër, në orën 10:00, përpara godinës së Parlamentit, në kohën kur pritet të zhvillohet seanca plenare e Kuvendit.
Njoftimi u bë para mijëra protestuesve, të cilët edhe mbrëmjen e sotme marshuan në rrugët kryesore të kryeqytetit me flamuj kombëtarë dhe pankarta, duke vijuar protestën kundër klasës politike dhe duke kërkuar dorëheqjen e kryeministrit Edi Rama, largimin e qeverisë dhe reforma të thella politike.
Sipas organizatorëve, protesta para Parlamentit synon të përcjellë drejtpërdrejt mesazhin e qytetarëve ndaj deputetëve në ditën kur Kuvendi mblidhet në seancë plenare.