Televizioni italian RAI3 ka krahasuar protestat në Serbi, të cilat çuan në dorëheqjen e Presidentit Aleksandar Vuçiç, me manifestimet në Shqipëri kundër kryeministrit Edi Rama. Gazetarja Flavia Paone ka ngritur pyetjen nëse lëvizjet qytetare kundër korrupsionit dhe shpërdorimit të fondeve publike mund të sjellin ndryshim politik.
Sipas saj, Vuçiç u tërhoq pas një viti e gjysmë protestash të udhëhequra nga studentët dhe të rinjtë, ndërsa në Shqipëri mijëra persona po kundërshtojnë projektin e një resorti luksoz në një ishull të mbrojtur me flamingo rozë. Krahasimi nxjerr në pah dëshirën e brezit të ri për ndryshim si në Serbi ashtu edhe në Shqipëri.
“Me një njoftim të papritur për dorëheqje, Presidenti serb Vuçiç heq dorë pas një viti e gjysmë protestash të vazhdueshme në sheshe, të udhëhequra kryesisht nga të rinjtë dhe studentët. Akuzat për korrupsion, dëshira për ndryshim në Serbi nga Gjenerata Z, është e njëjta ndjenjë që ndihet edhe në Shqipëri, ku prej një muaji mijëra persona marshojnë kundër qeverisë së Edi Ramës dhe projektit të një resorti gjigant luksoz që dhëndri i Donald Trump synon të ndërtojë në një ishull të banuar nga flamingo rozë. A mund të ndikojnë vërtet lëvizjet e shesheve në politikën e vendeve të tyre?” , Flavia Paone, RAI3