Një ngjarje e rëndë ka ndodhur New York, ku një grua 64-vjeçare u gjet e vdekur në apartamentin e saj në Mechanicville. Autoritetet dyshojnë se ajo ka vrarë vajzën e saj dhe katër nipërit e mbesat, përpara se t’i jepte fund jetës.
Trupat e Amy Steadman, 64 vjeç, dhe vajzës së saj, Sarah Myers, 44 vjeç, u zbuluan të martën në mbrëmje, pasi një fqinj kërkoi që policia të kryente një kontroll mirëqenieje. Sipas policisë, fqinjët kishin kohë që nuk e kishin parë Steadman dhe ishin shqetësuar për të.
Pasi oficerët nuk arritën të kontaktonin me 64-vjeçaren, administratori i pallatit i lejoi atyre të hynin në apartament.
“Me të hyrë në rezidencë, oficerët gjetën gjashtë individë të vdekur”, tha Rabbitt.
Në apartament u gjetën gjithashtu të pajetë katër fëmijët e Sarah Myers, Harper Harmon, 13 vjeç, Hudson Harmon, 11 vjeç, si dhe binjakët Gavin dhe Gracelynn Harmon, të dy 10 vjeç.
Sipas oficerit, dyshohet se familja kishte vdekur për “një periudhë të gjatë kohore” dhe se ishte e vështirë që të bënin enjëherë identifikimin për shkak të gjendjes së trupave.