Një ngjarje e rëndë është shënuar këtë të hënë në qytetin e Pogradecit, ku një burrë ka plagosur me thikë bashkëshorten e tij.
Bëhet me dije se ngjarja ka ndodhur në lagjen nr. 4, ndërsa dyshohet se burri vuan nga probleme të shëndetit mendor.
Plagosja ka ndodhur gjatë një konflikti të çastit mes çiftit të bashkëshortëve në banesën e tyre.
Bëhet me dije se gruaja është dërguar në spitalin e Pogradecit, ku po merr ndihmën mjekësore, ndërsa do të niset drejt Tiranës për mjekim më të specializuar. Gjendja e saj është e rëndë.
Po ashtu, policia ka shoqëruar në ambientet e komisariatit autorin e plagosjes.