Një ngjarje e rëndë ka ndodhur mbrëmjen e sotme në lagjen “Mollaj” në Rrogozhinë, ku 25-vjeçari Meklan Meçe ka qëlluar për vdekje me thikë fqinjin e tij, Rrapush Memolla, 60 vjeç.
Konflikti i çastit për motive të dobëta degjeneroi në përdorimin e mjeteve prerëse, duke i shkaktuar plagë fatale 60-vjeçarit, ndërsa vetë autori mbeti i lënduar lehtë në dorë.
Reagimi i menjëhershëm i forcave të policisë bëri të mundur identifikimin dhe arrestimin e autorit të dyshuar.
Aktualisht, grupi hetimor nën drejtimin e Prokurorisë po punon për zbardhjen e plotë të rrethanave të kësaj ngjarjeje të rëndë.