Kola tha se lëvizja e protestuesve drejt Parlamentit ishte një test për të treguar forcën e qytetarëve dhe paralajmëroi se aksioni do të vijojë edhe në ditët në vijim.
Aktivisti Arben Kola ka komentuar lëvizjen e protestuesve drejt Parlamentit gjatë ditës së 19-të të protestave, duke e cilësuar atë si një paralajmërim për qeverinë dhe politikanët.
Në fjalën e tij para protestuesve, Kola tha se veprimi i ndërmarrë kishte për qëllim të tregonte forcën e qytetarëve dhe rolin e tyre si sovran.
Keshtu, Arben Kola ka dhene nje mesazh te forte se cfare duhet te bejne protestuesit kunder politikaneve te cilet duet te largohen sa me pare. Ai thote:
“Besoj e kuptuat se si hajdutët ikin, se si sovrani mund t’i marrë krejt kollaj dhe t’i hedh në kosh, ne jemi sovrani.
Kjo e sotmja ishte vetëm një paralajmërim dhe një test i vogël që ta kuptojnë këta horrat, se ne jemi çdo ditë të zgjuar dhe vigjilentë, dhe do presim momentin ashtu siç kanë bërë në Nepal dhe në Ukrainë, që i kanë hedhur në kosh dhe të rrimë rehat”, u shpreh Kola para protestuesve.
Deklarata u bë gjatë protestës së zhvilluar pranë Kuvendit, ku pjesëmarrësit ndërmorën një lëvizje simbolike duke rrethuar godinën e Parlamentit. Sipas organizatorëve, aksioni synonte të dërgonte një mesazh kundër qeverisë dhe institucioneve që, sipas tyre, nuk përfaqësojnë interesat e qytetarëve.