G Bani ka tërhequr vëmendjen e ndjekësve të tij me një postim të ri në rrjetet sociale, ku shfaqet krahas Xhenetës. Me këtë postim, ai ka njoftuar se ndodhet në Kosovë dhe ka shfrytëzuar momentin për të uruar 17-vjetorin e Pavarësisë së Kosovës.
Në mbishkrimin e tij, G Bani ka shkruar: “Urime festën e Pavarësisë”, duke e shijuar këtë ditë të veçantë në shoqërinë e Xhenetës.
Ky postim ka shkaktuar reagime të shumta, sidomos pas ngjarjeve të fundit që çuan në përjashtimin e tij nga Big Brother VIP Albania, ku G Bani u përjashtua pas një incidenti me Gjestin. Pas këtij zhvillimi, fansat kanë filluar të spekullojnë mbi marrëdhënien e mundshme mes G Banit dhe Xhenetës, duke u pyetur nëse ka diçka më shumë se një miqësi ndërmjet tyre.
