Ikona e muzikës shqiptare, Parashqevi Simaku, do të jetë pjesë e traditës së këngës së fundvitit në Top Channel. Ky detaj emocionues u zbulua nga biznesmeni Elton Ilirjani gjatë programit “Top Story”.
“Ajo që dua të them është që të mos dorëzohen të na mbështesin… gjithashtu kemi një surprizë, që me datën 24 ju si televizion e bëni, Parashqevi Simaku do të vijë me këngë. Kënga e fundvitit, kënga e Krishtlindjes…”, ka zbuluar Ilirjani.
Rikthimi i Simakut vjen pas një periudhe të vështirë në jetën e saj. Ditë më parë, këngëtarja u rikthye në qendër të vëmendjes pas publikimit të një videoje në mediat amerikane ku shihej duke marrë ndihma. Pas lajmit që ajo ishte e pastrehë, Elton Ilirjani i siguroi një vendstrehim dhe kushte më të mira jetese.
Një moment emocionues që do të na kujtojë edhe njëherë talentin e rrallë të Parashqevi Simakut. Mos e humbisni këtë rikthim historik!