Futbolli shqiptar ka humbur një nga figurat e tij më ikonike. Bujar Tafaj, portieri i njohur i viteve ’60 dhe ’70, është ndarë nga jeta në moshën 81-vjeçare. I njohur si një prej shtyllave të klubit të Tiranës, Tafaj la pas një trashëgimi të pasur dhe një emër të respektuar në historinë e futbollit shqiptar.
Një karrierë e shkëlqyer me Tiranën
Bujar Tafaj mbrojti portën e Tiranës për shumë vite, duke qenë një figurë kyçe në sukseset e klubit. Ai fitoi 3 tituj kampion me ekipin bardheblu, duke u shquar për reflekset e tij të shpejta dhe për vendosmërinë në çdo ndeshje. Përveç Tiranës, ai la gjurmë edhe te skuadra e Pogradecit, duke dëshmuar talentin e tij të padiskutueshëm.
Klubi i Tiranës e përkujtoi Tafajn me një postim prekës në rrjetet sociale, duke e cilësuar si një legjendë të vërtetë, i cili i dha shumë futbollit shqiptar. Humbja e tij ka shkaktuar pikëllim të thellë në mjedisin sportiv dhe te tifozët, të cilët e kujtojnë Tafajn jo vetëm si një portier të madh, por edhe si një njeri të respektuar.
