Ish-banorja e “Big Brother VIP 4”, Valbona Mhilli, ka ndarë me ndjekësit e saj në “Instagram” një lajm të trishtë, ajo ka humbur një njeri të shtrejtë.
Moderatorja njoftoi se gjyshja e saj ka ndërruar jetë dhe ikja e saj i ‘theu zemrën sërish’. Valbona ka publikuar në “Instastory” një fotografi ku gjyshja shfaqet e shtrirë në krevat dhe pranë saj qëndron bashkëshorti.
Mhilli shkruan se ata të dy kanë qenë shembulli që dashuria e vërtetë ekziston dhe nuk vdes kurrë. Gjithashtu ajo shton se ngushëllimi i vetëm për këtë humbje, është se tani ajo është bashkë me babain e saj.
