Vetëm pak minuta na ndajnë nga fillimi i ndeshjes së shumë rëndësishme mes Shqipërisë dhe Serbisë, e vlefshme për Grupin K të kualifikueseve të Botërorit 2026. Kjo sfidë mbart një peshë të madhe jo vetëm në aspektin sportiv, por edhe në atë emocional, duke rikthyer në kujtesë historinë dhe ngjarjet e 11 viteve më parë në Beograd.
Tashmë janë bërë publike edhe formacionet zyrtare me të cilat dy ekipet do të zbresin në fushën e “Air Albania”. Shqipëria do të paraqitet me një modul 4-1-3-2. Në su lm, trajneri ka vendosur t’u besojë dyshes së përbërë nga Armando Broja dhe Rey Manaj, një kombinim ky i ri për ndeshjet e fundit të kombëtares. Jasir Asani do ta nisë ndeshjen nga stoli, ndërsa Arbër Hoxha do të jetë titullar.
Shqipëria vjen në këtë ndeshje pas një humbjeje kundër Anglisë dhe një fitoreje ndaj Andorrës në dy ndeshjet e para të kualifikueseve. Një rezultat pozitiv sonte, e sidomos një fitore ndaj Serbisë, do ta mbante Shqipërinë në garë të fortë për vendin e dytë në grup, i cili siguron pjesëmarrjen në play-off-in e Botërorit.
Ndërsa për Serbinë, kjo është ndeshja e parë në këto kualifikuese, pasi në muajin mars ata ishin të angazhuar në ndeshjet e play-off-it të Ligës së Kombeve. Kjo e bën edhe më të rëndësishme sfidën e sotme për të dyja ekipet në rrugëtimin e tyre drejt Kupës së Botës 2026.
