Aktori i njohur kanadez Graham Greene, i famshëm për rolin e tij në filmin epik “Dances With Wolves”, ka ndërruar jetë në moshën 73-vjeçare. Lajmi u konfirmua nga menaxheri i tij, Gerry Jordan, i cili tha se Greene vdiq nga shkaqe natyrore.
Një karrierë e pasur dhe nominimi për “Oscar”
Greene, i cili mori një nominim për çmimin “Oscar” si Aktori më i Mirë Mbështetës për rolin e tij si “Kicking Bird” në filmin e vitit 1990, e filloi karrierën e tij në teatër pas një sërë punësh të ndryshme, si piktor, teknolog dhe anëtar i një grupi rock.
Roli në “Dances With Wolves” i dha famë botërore dhe vlerësime të shumta. Përveç këtij roli, Greene mori pjesë në shumë filma të suksesshëm si “Thunderheart” (1992), “Maverick” (1994), “Die Hard With A Vengeance” (1995), “The Twilight Saga: New Moon” (2009) dhe “Wind River” (2017).
