Pas publikimit të lajmit që përmend një ish-banore të “Big Brother VIP” me inicialet E.Dh., e lidhur me një situatë të dyshimtë me një të burgosur në Fushë-Krujë, rrjetet sociale janë ndezur nga aludimet për identitetin e vajzës në fjalë.
Pjesa më e madhe e spekulimeve është përqendruar te Efi Dhedhes, një nga personazhet më të njohur me këto iniciale. Komentues të shumtë kanë vërshuar në profilin e saj në Instagram, duke e akuzuar publikisht për përfshirje në këtë çështje.
Në vend që të reagonte me indinjatë, distancim të fortë ose veprime ligjore për shpifje, Efi zgjodhi një përgjigje të çuditërisht të qetë dhe të shkurtër ndaj një komenti provokues:
“Ça thua, me të vërtetë? Turp të kem.”
Kjo mënyrë e lehtë, madje disi indiferente, me të cilën ajo e ka trajtuar akuzën, ka ngjallur edhe më shumë dyshime. Për disa, kjo mungesë reagimi serioz duket si një përpjekje për ta lënë çështjen në heshtje. Për të tjerë, është një lëvizje e qëllimshme për të mos ia mohuar as pohuar plotësisht publikisht akuzën – mbase si një mënyrë për të marrë pak vëmendje shtesë nga një histori që po bën xhiron në rrjet.
Fakti që Efi nuk shfaq asnjë interes për ta çuar më tej këtë situatë, as për të kërkuar sqarim publik nga mediat, e lë të hapur mundësinë që ose nuk dëshiron ta ushqejë më tej historinë, ose nuk e sheh të nevojshme, duke përfituar në mënyrë të heshtur nga ekspozimi që po i jepet falas.
Ndërkohë, identiteti i vajzës që fshihet pas inicialeve E.Dh. ende nuk është bërë publik nga autoritetet, ndërsa hetimet për rastin janë në vazhdim. Deri atëherë, rrjeti do të vazhdojë të aludojë – dhe heshtja, apo reagimi i vakët, vetëm sa i shton zjarrit benzinë.