Kjo që shihni në foto është 20-vjeçarja Megi Xhetani që humbi jetën në aksidentin tragjik në aksin rrugor Përrenjas-Librazhd, në afërsi të fshatit Pishkash.
20-vjeçarja, së bashku me partnerin e saj, 34-vjeçarin Zef Sinani kishin dalë për të festuar ditën e të dashuruarve, 14 Shkurtin.
Por, fatkeqësisht festa për çiftin e sapo fejuar u kthye në tragjedi. Automjeti tip Benz që po udhëtonin dy të rinjtë u përplas me një kamion që drejtohej nga një shtetas i Maqedonisë së Veriut.
Nga aksidenti humbi jetën Megi Xhetani dhe u plagos rëndë i fejuari i saj. I plagosuri ndodhet në gjendje kritike në Spitalin Rajonal të Elbasanit.
Paraprakisht dyshohet se shkak i aksidentit mund të ketë qenë qarkullimi i automjeteve me shpejtësi tej normave të lejuara.
REAGOJNE PEDAGOGET
Në këtë sallë provimi duhej të ishte sot edhe Megi Xhetani, e reja që humbi jetën në aksident disa ditë më parë.
Jeta është kaq e padrejtë dhe e hidhur ndonjëherë!
Po shpresoja të mos ishte i vërtetë lajmi që dëgjova. Por apelit të emrave shokët e shoqet e grupit iu përgjigjën me zë të mekur. Megi s’është…
Një lutje për shpirtin tënd të bardhë, Megi!
©️ Elsa Skënderi, Pedagoge.