Videot dhe imazhet e para që dokumentojnë bombardimet e Shteteve të Bashkuara mbi objektet bërthamore të Iranit kanë filluar të qarkullojnë në platformat e mediave sociale, duke intensifikuar shqetësimet globale rreth përshkallëzimit të situatës në Lindjen e Mesme.
Pamjet e publikuara tregojnë shpërthime të fuqishme në vende strategjike brenda komplekseve bërthamore iraniane, me theks të veçantë tek impianti i Fordow-it. Ky kompleks, i vendosur në afërsi të qytetit të shenjtë të Qomit, ka qenë prej kohësh një shqetësim kryesor për Izraelin dhe Shtetet e Bashkuara.
Besohej se Fordow-i luante një rol kyç në pasurimin e uraniumit në nivele që mund t’i mundësonin Iranit zhvillimin e armëve bërthamore. Karakteristika e tij si një strukturë tepër e fshehtë dhe e ruajtur me kujdes e ka bërë atë një objektiv prioritar.
Megjithatë, pavarësisht këtyre pretendimeve, deri më tani, organizma ndërkombëtarë të specializuar, si dhe vetë Drejtoresha e Inteligjencës Kombëtare të SHBA-së, Tulsi Gabbard, kanë deklaruar publikisht se nuk ka prova të qenësishme që sugjerojnë se Irani aktualisht po punon në ndërtimin e armëve bërthamore.
Këto deklarata hedhin një dritë tjetër mbi arsyet e sulmeve dhe synimet e vërteta të tyre. Publikimi i këtyre pamjeve në rrjetet sociale ka nxitur reagime të ndryshme nga përdoruesit dhe analistët, duke shtuar edhe më tej kompleksitetin e situatës dhe duke rritur pasigurinë për zhvillimet e ardhshme në rajon.
Around 2 AM IST last night, American B2 bombers, escorted by F-35 fighter jets, launched strikes on Iran’s nuclear facilities in Fordow, Natanz, and Isfahan.
The bunker-buster bombs used in this operation, has the capability to penetrate deep beneath mountains or land mass. pic.twitter.com/GAiPIKfNV7
— Dilip Ghosh (Modi Ka Parivar) (@DilipGhoshBJP) June 22, 2025