Dy ditë më parë u gjet i pajetë Altin Isaraj, vëllai i Arben Isarajt, ish-deputetit të Partisë Socialiste dhe njëkohësisht dhe ish-drejtorit të Transportit Rrugor.
Në lidhje me këtë lajm tragjik ka reaguar edhe vetë ish-deputeti, i cili me anë të një postimi në rrjetet sociale i jep lamtumirën të vëllait.
Ai teksa poston një foto të hershme, shkruan se dëshirë e Altinit para se të ndërronte jetë ishte që të varrosej pranë nënës dhe babait.
“Lamtumirë Altin! Lamtumirë “o Labo”, i miri i të gjithëve dhe i keqi i vetes nga lindja deri në vdekje. Lamtumirë vëlla”, shkruan ai ndër të tjera.
Sot, sipas asaj që doje dhe kërkove ti, po të përcjellim pranë nënës dhe babait.
Shumë motra dhe vëllezër, shokë dhe miq që ti i kishe pafund, do të donin të ishin pranë teje në këtë ditë për të të prekur me dorë, sy edhe lotë.
Por, unë duke i mirëkuptuar dhe i falenderuar, duhet të vendosja atë që doje ti, sepse unë pas ikjes së prindërve, mbeta i vetmi në këtë botë që të preka, të putha dhe përqafofa kur “erdhe” dhe “ike” prej saj.
Lamtumirë Altin!
Lamtumirë “o Labo”, i miri i të gjithëve dhe i keqi i vetes nga lindja deri në vdekje.
https://googleads.g.doubleclick.net/pagead/ads?gdpr=0&us_privacy=1—&gpp_sid=-1&client=ca-pub-3322927679787956&output=html&h=280&adk=1979479522&adf=4136360669&w=366&abgtt=6&fwrn=7&fwrnh=100&num_ads=1&rafmt=1&armr=3&sem=mc&pwprc=8975241606&ad_type=text_image&format=366×280&url=https%3A%2F%2Fpetravu.com%2F&fwr=0&pra=3&rh=305&rw=366&rpe=1&resp_fmts=3&sfro=1&wgl=1&fa=27&dt=1735724795785&bpp=1&bdt=1138&idt=-M&shv=r20241212&mjsv=m202412090101&ptt=9&saldr=aa&abxe=1&cookie_enabled=1&eoidce=1&prev_fmts=0x0%2C430x358%2C430x358%2C366x280&nras=3&correlator=3466775259281&frm=20&pv=1&u_tz=60&u_his=4&u_h=932&u_w=430&u_ah=932&u_aw=430&u_cd=24&u_sd=3&adx=32&ady=3173&biw=430&bih=739&scr_x=0&scr_y=69&eid=95348682%2C31089323%2C31089328%2C31089330%2C31089337%2C31089339%2C95332589%2C95347169%2C95345966&oid=2&pvsid=3664138943593464&tmod=749969038&uas=0&nvt=1&ref=https%3A%2F%2Ftirana1.com%2F&loc=https%3A%2F%2Ftirana1.com%2F850dsqw8-2%2F&fc=1408&brdim=0%2C0%2C0%2C0%2C430%2C0%2C430%2C932%2C430%2C806&vis=1&rsz=%7C%7Cs%7C&abl=NS&fu=128&bc=31&bz=1&ifi=5&uci=a!5&btvi=4&fsb=1&dtd=5
Lamtumirë vëlla!
Lamtumirë o gjak që të kam në venat dhe zemrën time.
Më prit aty me Astritin dhe Violetën, se do të vij … dhe mos ma mbyll atë derë vëlla.
Kujtojmë që vëllai i ish-deputetit socialist jetonte në banesën e prindërve që kur doli nga burgu i Rrogozhinës.
Ai u arrestua më tetor të vitit 2018 për veprën penale “Armëmbajtje pa leje” dhe “Prodhim dhe shitje të lëndëve narkotike”. Arrestimi i tij solli dhe dorëheqjen asokohe të së vëllait, Arben Isarajt nga posti i drejtorit të Transportit Rrugor.
“Për të mos ndikuar direkt apo indirekt me pozicionin tim të lartë administrativ, në pavarësinë dhe dhënien e drejtësisë në Shqipëri, jap dorëheqjen nga pozicioni i drejtorit të Përgjithshëm në Drejtësinë e Përgjithshme të Transportit Rrugor”, tha Arben Isaraj në letrën e dorëheqjes në 22 tetor 2018.
