Pas tensioneve të fundit në Big Brother VIP Albania, ku Rozana Radi i kërkoi menaxherit të saj të publikonte disa mesazhe private mes saj dhe Olta Gixharit, kjo e fundit ka reaguar me një postim intrigues në Instagram.
Kujtojmë se pak ditë më parë, gjatë një debati me Gertën, Rozana e akuzoi atë se nuk flet me të motrën, Oltën, dhe se kjo e fundit i kishte uruar asaj fitoren para hyrjes në shtëpinë më të famshme, dhe jo motrës së saj. Gerta nga ana tjetër pranoi se këto mesazhe mund të jenë dërguar, duke theksuar se askush përveç bashkëshortit të saj nuk e dinte për pjesëmarrjen e saj në Big Brother deri në momentin e fundit.
Por pas publikimit të mesazheve në faqen e Rozanës, Olta ka reaguar në mënyrë epike në Instastory-n e saj. Ajo ka shpërndarë një foto të një valixheje plot me rroba, duke e shoqëruar me mbishkrimin: “Flasim të martën!”
Ky detaj ka ndezur spekulimet mes ndjekësve të formatit, të cilët dyshojnë se Olta mund të hyjë në shtëpi ose të përballet drejtpërdrejt me Rozanën në spektaklin e së martës. A do të ndodhë vërtet diçka e madhe? Na mbetet vetëm të presim!