Një zjarr i fuqishëm shpërtheu pasditen e djeshme në një fabrikë pjesësh makinash në Korenë e Jugut, duke shkaktuar vdekjen e 14 personave dhe plagosjen e rreth 60 të tjerëve.
Nam Deuk-ëoo, shef i zjarrfikësve vendas, deklaroi për Neë York Times se flakët u përhapën me shpejtësi të madhe. Sipas tij, në momentin kur mbërritën ekipet e zjarrfikësve, disa punëtorë kishin filluar të hidheshin nga dritaret për t’i shpëtuar zjarrit.
Dyshohet se rreth 170 punëtorë ndodheshin brenda fabrikës në momentin kur u raportua për zjarrin.
Zjarrfikësit u vonuan në hyrjen në ndërtesë për shkak të frikës se ajo do të shembej dhe nuk mundën të spërkatnin menjëherë ujë mbi flakë. Për shkak të pranisë së natriumit, një substancë që mund të shkaktojë shpërthime kur bie në kontakt me ujin.
Më shumë se 200 kilogramë kimikate shumë reaktive u nxorën nga fabrika gjatë operacionit.
Re të dendura tymi të zi u ngritën mbi ndërtesë, ndërsa ekipet e zjarrfikësve ndërhynë nga lartësia me vinça uji. Në operacion morën pjesë mbi 500 zjarrfikës, policë dhe personel emergjence, si dhe dy robotë zjarrfikës pa pilot, të cilët u përdorën për të ftohur ndërtesën dhe për të depërtuar në zona shumë të rrezikshme ose të paarritshme për ekipet e shpëtimit.