Në një zhvillim të papritur, kryeministri i Katarit ka njoftuar se Emiri i vendit, Sheikh Tamim bin Hamad Al-Thani, ka marrë një telefonatë nga presidenti iranian Masoud Pezeshkian.
Sipas kryeministrit të Katarit, Sheikh Mohammed bin Abdulrahman Al Thani, presidenti Pezeshkian ka shprehur keqardhjen e Iranit për sulmin ndaj një baze amerikane në Katar. Irani kreu sulmin si hakmarrje ndaj goditjeve të SHBA-së në Iran.
Duke folur në një konferencë për shtyp, kryeministri Sheikh Mohammed bin Abdulrahman Al Thani e ka quajtur gjithashtu sulmin iranian ndaj bazës si një akt të papranueshëm. Ai shtoi se shpreson që në të ardhmen të mos ketë më armiqësi në rajonin e Gjirit.
Kryeministri i Katarit ka bërë të ditur gjithashtu se Katari ishte përfshirë në komunikimet për armëpushim me Iranin pas një kërkese nga Shtetet e Bashkuara.
Ky njoftim vjen pas raportimeve për sulme raketore nga Irani drejt bazës amerikane Ajrore Al Udeid në Katar, duke ngritur shqetësime të mëdha për një përshkallëzim të konfliktit në Lindjen e Mesme. Megjithatë, shprehja e keqardhjes nga presidenti iranian mund të sinjalizojë një përpjekje për uljen e tensioneve pas sulmit.