Pamje të jashtëzakonshme janë shpërndarë nga kamerat e sigurisë në Qendrën Onkologjike të Kamchatkas, duke treguar momentin kur një ekip mjekësh dhe infermierësh vazhdon një ndërhyrje kirurgjikale, edhe pse rajoni goditej nga një tërmet i fuqishëm me magnitudë 8.8 ballë të shkallës Rihter.
Në video shihet qartë sesi stafi mjekësor ruan qetësinë dhe profesionalizmin e tij. Ata nuk ndërpresin operacionin pavarësisht lëkundjeve të forta që tronditën sallën. Ekipi vepron menjëherë për të mbrojtur pacientin në tavolinën e operacionit, duke refuzuar të largohet nga salla, ndonëse situata paraqitej me rrezik të lartë për jetën e tyre.
Ministri i Shëndetësisë i Kamchatkas, Oleg Melnikov, ndau pamjet në kanalin e tij zyrtar në Telegram, duke vlerësuar lart vendosmërinë dhe guximin e ekipit: “Pavarësisht rrezikut, mjekët qëndruan me pacientin. Për momentin, pacienti është në gjendje të mirë. I falënderoj dhe i admiroj specialistët tanë për profesionalizmin dhe qëndrueshmërinë e jashtëzakonshme nën presion,” shkroi ministri.
Ky akt heroizmi shërben si dëshmi e përkushtimit të stafit mjekësor, duke treguar se si profesionalizmi dhe kurajoja mund të triumfojnë edhe në kushtet më ekstreme dhe të rrezikshme.
Pamje prekëse/ Mjekët vijojnë operacionin gjatë tërmetit 8.8 ballë në Rusi
Pamjet e kamerave të sigurisë në Qendrën e Onkologjisë në Kamchatka tregojnë një moment dramatik gjatë një operacioni kirurgjikal, kur tërmeti i fuqishëm me magnitudë 8.8 ballë goditi rajonin. pic.twitter.com/MF0ZXX4Ux1
— Euronews Albania (@EuronewsAlbania) July 30, 2025