Trajneri i Serbisë, Dragan Stojkoviç, është rikthyer të flasë për atmosferën e krijuar në “Arenën Kombëtare” gjatë barazimit 0-0 mes Shqipërisë dhe Serbisë, pas komenteve të tij fillestare që u interpretuan në mënyra të ndryshme në mediat serbe.
Stojkoviç theksoi se komentet e tij fillestare lidheshin vetëm me atmosferën sportive dhe se nuk ishte qëllimi i tij të bënte deklarata politike:
“Unë nuk jam politikan. Fola për një atmosferë futbolli, si në ndeshjet mes Boca Juniors dhe River Plate në Argjentinë. Nuk është e nevojshme të më japë kush leksione për patriotizmin. Dua të udhëheq Serbinë dhe këta djem me krenari.”
Tekniku vlerësoi gjithashtu organizimin e ndeshjes, duke shtuar se çdo gjë ishte “fenomenale nga ana logjistike”.
Pavarësisht debateve mediatike që pasuan, Stojkoviç u përpoq të shmangte polemikat, duke e kthyer vëmendjen te loja dhe performanca e skuadrës së tij në fushë.
Po ashtu, so ka reaguar dhe federata serbe, e cil ka mbajtur anen e mediave te polarizuara dhe jo te ambasades serbe ne Shqiperi dhe as te stafit te ekipit.
Federata serbe e futbollit, duke harruar atë që ndodhi 11 vite më parë në Beograd, ka bërë akuza të ashpra ndaj tifozëve shqiptarë pas ndeshjes së 7 qershorit në Tiranë. Ata thonë se futbollistët serbë rrezikuan jetën në atë ndeshje për shkak të sendeve të hedhura, ndërsa thonë se kjo frymë nxiu vlerat e futbollit.
Federata serbe e nis me fjalët më të mira për mikpritjen e rezervuar nga FSHF, që nga mbërritja në Tiranë, akomodimi në hotel e deri tek kthimi në aeroport drejt Serbisë, por menjëherë më pas thonë se ishin tifozët shqiptarë ata që nxinë futbollin, duke krijuar situata që njollosën kombëtaren kuqezi.
Përpara të vërtetës së shëmtuar me të cilën u përballën lojtarët tanë në fushë, dëshirojmë të theksojmë faktin se e gjithë ekspedita e Federatës së Futbollit të Serbisë, që nga minuta e parë deri në minutën e fundit të qëndrimit të tyre në kryeqytetin shqiptar, u pritën jashtëzakonisht mirë nga Federata e Futbollit të Shqipërisë dhe presidenti i saj, Armand Duka. Që nga pritja në aeroport deri në nisjen nga Tirana, ju treguat respekt për ne.
Fatkeqësisht, skena nga tribunat që bota e futbollit nuk do të donte t’i shihte, skena që UEFA i ka luftuar prej vitesh përmes organeve dhe rregulloreve të saj, kanë hedhur një njollë të madhe në lidhje me sjelljet e tifozëve. Shoqata e Futbollit e Serbisë dënon fuqimisht shpërthimet politike të urrejtjes përmes formave të ndryshme të provokimeve dhe thirrjeve ndaj organizatave terroriste.
Kur fjalët nuk mjaftonin, lojtarët tanë të futbollit u kërcënuan edhe fizikisht. Monedha, gota dhe shishe fluturuan nga tribunat, gjyqtari italian ndërpreu ndeshjen në disa raste dhe spiker-i zyrtar bëri gjithashtu njoftimin e tij, por të gjitha pa rezultate.
Kjo situatë filloi me fishkëllimat dhe vazhduan me brohoritje që jo vetëm që shkelin frymën e sportivitetit dhe atmosferën e lojës, por gjithashtu kërcënojnë drejtpërdrejt parimet e respektit dhe tolerancës ndërkombëtare që futbolli supozohet të promovojë.
Duke falënderuar Federatën e Futbollit të Shqipërisë për mikpritjen e ngrohtë gjatë qëndrimit tonë në Tiranë, dënojmë gjithçka që mund të dëgjohej dhe shihej nga tribunat e Stadiumit Kombëtar. Së fundmi, do të donim të trajtonim tekstet që u japin një kontekst negativ deklaratave nga konferenca për shtyp e trajnerit Dragan Stojković, të cilat bien ndesh me atë që u tha.
“Si trajner i ekipit kombëtar serb, fokusi im gjatë ndeshjes ishte ekskluzivisht në fushë, te lojtarët, taktikat dhe rezultati. E vlerësova atmosferën në stadium në kontekstin e atmosferës sportive, tribunave të plota dhe mbështetjes për ekipin kombëtar, gjë që është gjithmonë e mirëpritur për futbollin si lojë.”
Megjithatë, është normale që në atë moment nuk i regjistrova plotësisht të gjitha mesazhet skandaloze dhe ofenduese që erdhën nga tribunat, të cilat më vonë u regjistruan dhe u komentuan në media. Dua të dënoj qartë dhe pa mëdyshje çdo brohoritje që fyen popullin serb dhe ekipin kombëtar serb, apo këdo tjetër. Fenomene të tilla nuk kanë vend në fushat sportive.
Është absurde që dikush të akuzojë Dragan Stojkoviqin për ‘mbështetje të ekstremistëve’ dhe ‘lavdërim të urrejtjes ndaj popullit tonë’. Unë e kam dëshmuar patriotizmin dhe ndjenjën time të përkatësisë ndaj popullit tim shumë herë, si gjatë karrierës sime si lojtar ashtu edhe si trajner”, tha trajneri i ekipit tonë kombëtar.