Ministri i Transportit në Turqi është gjobitur për tejkalim shpejtësie pasi postoi një video që e tregonte atë duke drejtuar makinën tip “Audi” me 225 km/orë në një autostradë.
Videoja ku shfaqet ministri i Transportit është e shoqëruar me muzikë popullore dhe fragmente nga një fjalim i Presidentit Tayyip Erdogan që lavdëronte infrastrukturën rrugore, por qe qytetaret e kane marre si nje tallje e tij.
Aty shfaqet edhe kilometrazhi i makinës së Uraloglu me shigjetat që “fluturojnë” dhe makinën duke kaluar të tjerat në korsinë e shpejtësisë në autostradën Ankara-Nigdi.
Policia e trafikut më vonë i komunikoi atij një gjobë prej gati 240 eurosh për shkelje të shpejtësisë, teksa e ndaloi rreth 50 kilometra jashtë kryeqytetit Ankara.
225 km/orë është pothuajse dyfishi i shpejtësisë së lejuar në Turqi, ndaj veprimi i Abdulkadir Uraloglu ka shkaktuar reagime të forta nga komentuesit në mediat sociale, duke e detyruar atë që edhe të kërkonte falje publike.
I përballur me reagime negative, Uraloğlu ngarkoi një foto të gjobës së policisë në platformën X, duke shkruar: “Ndjesë kombit”.
Kufiri maksimal i shpejtësisë në autostradat turke është 140 km. Vitin e kaluar, 6,351 persona u vranë në rreth 1.5 milion aksidente trafiku, sipas shifrave zyrtare.
Ulaştırma Bakanı Abdulkadir Uraloğlu, Ankara-Niğde otoyolunda 223 km hızla gittiği anları paylaştı.
• Türkiye'de otoyollarda azami hız sınırı 140 km/h pic.twitter.com/DSiFzl2tzL
— ZAM Haber (@ZamHaberAjans) August 24, 2025