Berat – Një kontroll rutinë i policisë rrugore në qytetin e Beratit ka degjeneruar në një konflikt fizik të ashpër mes një të riu dhe një efektivi policie. Pamjet e incidentit, të publikuara nga JOQ Albania, kanë shkaktuar reagime të forta dhe janë shpërndarë me shpejtësi në rrjetet sociale.
Konflikti nisi gjatë një ndalese rutinë të automjetit. I riu, pasi zbriti nga makina, iu drejtua policit me tone të larta dhe kërcënuese.
Në videon e filmuar nga dëshmitarët, qytetari dëgjohet teksa e sfidon efektivin:
“Mbaje t’i bijmë, mbaje fort! Ore hiqe uniformën, hajde dalim!”
Situata u përshkallëzua shpejt në momentin kur polici shtyu derën e makinës, gjë që e nxitit të riun drejt përplasjes fizike të menjëhershme. Qytetarët e pranishëm u shokuan nga skena, ndërsa disa prej tyre shiheshin duke filmuar me telefonat e tyre.
Ngjarja ka ndezur diskutime të forta online, ku komentuesit janë ndarë:
- Disa fajësojnë qytetarin për mungesë respekti dhe sjellje kërcënuese ndaj uniformës.
- Të tjerë kërkojnë një hetim të thelluar për të përcaktuar nëse sjellja e policit ka kontribuar në përshkallëzimin e dhunës.
Deri në këto momente, Policia e Shtetit ende nuk ka dhënë një reagim zyrtar lidhur me këtë incident.
View this post on Instagram