Prokuroria e Posaçme (SPAK) ka bërë publike sot listën e kandidatëve që kanë aplikuar për postin e kreut të Byrosë Kombëtare të Hetimit (BKH). Në listën e publikuar nga SPAK figurojnë 13 kandidatë, mes të cilëve spikasin emrat e ish-drejtuesve të Policisë së Shtetit, Gledis Nano dhe Haki Çako.
Lista e plotë e kandidatëve të publikuar nga SPAK është si më poshtë:Andi Pogaçe, Artur Beu, Astrit Halilaj, Elton Kërluku, Gentian Ndoi, Gentjan Shehaj, Gledis Nano, Haki Çako, Joni Keta, Maoricio Sheldija, Marinela Pilinçi, Miklovan Kanani, Nevrus Ndregjoni.
Në njoftimin e SPAK thuhet se pas mbylljes së afatit të aplikimeve, procesi do të kalojë në fazën e verifikimit paraprak. Gjatë kësaj faze, Komisioni i Përzgjedhjes, i ngritur me urdhër të Drejtuesit të SPAK dhe në zbatim të vendimit përkatës, do të shqyrtojë dokumentacionin e paraqitur nga kandidatët. Qëllimi i këtij verifikimi është vlerësimi i përmbushjes së kushteve ligjore dhe kritereve të përcaktuara në ligjin nr. 95/2016 “Për organizimin dhe funksionimin e institucioneve për të luftuar korr’upsionin dhe kri’min e organizuar”.
SPAK bën të ditur se kandidatët që do të kalojnë me sukses fazën e verifikimit paraprak do të ftohen për të marrë pjesë në fazat e tjera të procesit të përzgjedhjes. Emrat e Gledis Nanos dhe Haki Çakos, të cilët kanë mbajtur më parë pozicione të larta në Poli’cinë e Shtetit, shtojnë rëndësinë dhe interesin për këtë proces përzgjedhjeje për një post kaq kyç në luftën kundër korru’psionit dhe kri’mit të organizuar në Shqipëri.