Dy ngjarje të ndara kanë ndodhur sot në Tiranë dhe Pogradec, ku dy persona janë gjetur të pajetë. Policia ka nisur hetimet për të zbardhur rrethanat e secilit rast.
Në Tiranë, rreth orës 13:20, në rrugën “Njazi Meka” është gjetur pa shenja jete një shtetas ende i paidentifikuar, i moshës rreth 60 vjeçare. Sipas informacioneve paraprake nga policia, gjatë këqyrjes së trupit nuk janë konstatuar shenja dhu ne. Grupi hetimor po punon për të përcaktuar shkakun e humbjes së jetës dhe për të identifikuar personin.
Ndërkohë, në Pogradec, rreth orës 14:40, në fshatin Rëmenj, banorët e zonës kanë gjetur të pajetë shtetasin G. D., 20 vjeç. Trupi i tij u gjet në një zonë kodrinore dhe gjithashtu nuk kishte shenja dh une. Policia po heton mbi dyshimet paraprake se 20-vjeçari mund t’i ketë dhënë fund jetës duke u vetë varur. Grupi hetimor, nën drejtimin e Prokurorisë, është angazhuar për të sqaruar të gjitha rrethanat që lidhen me këtë rast.
Autoritetet policore në të dyja zonat po vijojnë hetimet intensive për të hedhur dritë mbi këto dy ngjarje të ndodhura sot.