“Big Brother Albania” ka sjellë shumë emocione për publikun shqiptar, por një nga momentet më prekëse mbetet rrëfimi i sinqertë i Eni Tarës gjatë qëndrimit të tij në shtëpinë e “Big Brother VIP”.
Në “Big Brother VIP 2”, Eni ndau historinë e tij të vështirë familjare. Ai tregoi për fëmijërinë e tij të vështirë, ku përmendi se babai i tij kishte probleme me alkoolin, gjë që shpesh çonte në situata të dhunshme në familje.
Për të ndihmuar nënën dhe për të përballuar vështirësitë ekonomike, Eni filloi të punonte që në moshë të re, duke marrë përsipër punë të ndryshme si kamerier, larës pjatash dhe punëtor ndërtimi.
Në një moment emocional, Eni pati mundësinë të takonte nënën e tij brenda shtëpisë së “Big Brother”, një takim që preku thellë si atë, ashtu edhe shikuesit.
Situata u bë më prekëse kur Eni, pavarësisht të kaluarës, kërkoi të bënte një përshëndetje për babain e tij.
Ky moment bëri Arbana Osmanin të shpërthejë në lot, të pranishmit në studio, banorët dhe gjithë publikun.