Bota e artit dhe muzikës shqiptare është në zi. Ka ndërruar jetë në moshën 65-vjeçare artisti i njohur Bujar Tabulla, një nga zërat më të veçantë dhe më të dashur të këngës labe. Lajmi u bë i ditur mbrëmjen e djeshme, pasi Tabulla humbi betejën me një sëmundje të rëndë.
I lindur dhe rritur në Delvinë, Bujar Tabulla nisi të këndonte që në fëmijëri dhe shpejt u bë themeluesi i grupit të qytetit “Djemtë e Delvinës”. Me zërin e tij të ngrohtë, të pastër dhe plot emocion, ai arriti të fitojë zemrat e publikut, duke u njohur gjerësisht si “Bilbili i Labërisë”. Kjo nofkë, e fituar me talent dhe përkushtim, e shoqëroi atë gjatë gjithë karrierës artistike.
Përveç pasionit për muzikën, Tabulla shërbeu për vite me radhë në ndërmarrjen e pyjeve, duke e mbajtur gjithmonë të gjallë lidhjen me natyrën, të cilës i këndonte me të njëjtën dashuri. Zëri dhe trashëgimia e tij artistike do të jetojnë përgjithmonë në zemrat e të gjithë atyre që e njohën dhe e vlerësuan artin e tij.
