Kryeministri i Katarit, Mohammed bin Abdulrahman Al-Thani, ka deklaruar se vendi i tij, në bashkëpunim me partnerët arabë, po përgatiten për një përgjigje kolektive ndaj sulmit ajror të Izraelit në Doha. Në një intervistë për CNN, ai theksoi se kjo përgjigje është në fazën e konsultimeve.
Samit arabo-islam dhe akuza ndaj Netanyahut
Al-Thani bëri të ditur se Doha do të jetë mikpritëse e një samiti arabo-islam në ditët në vijim, ku pritet të vendosen masa konkrete kundër Izraelit. Ai e dënoi ashpër sulmin, duke e cilësuar si “terror shtetëror” dhe duke shprehur zemërimin e thellë të Katarit.
Kryeministri akuzoi kryeministrin izraelit Benjamin Netanyahu për pengimin e negociatave për armëpushim dhe dështimin e përpjekjeve për lirimin e pengjeve. “Netanyahu thjesht vrau çdo shpresë për ata pengje,” u shpreh ai, duke kërkuar që lideri izraelit të vihet para drejtësisë për shkelje të ligjit ndërkombëtar.
Al-Thani konfirmoi se, si pasojë e sulmit, Katari po rivlerëson rolin e tij si ndërmjetës në bisedimet e ardhshme për armëpushim në Gaza.