Nëse do ta dëgjonit këtë video vetëm me zë, pa e parë ekranin, me shumë gjasë do të betoheshit se po dëgjoni një fëmijë që qan me ngashërim. Por e vërteta është befasuese — nuk është fëmijë.
Është një papagall! Dhe jo çfarëdo papagalli, por një talent i vërtetë në imitim.
Zogu imiton me përpikmëri të frikshme tingullin e të qarës së një bebeje. Madje, edhe kur pronarja përpiqet ta qetësojë, ai “vazhdon të qajë” me zërin karakteristik të një fëmije të vogël. Aq realist është zëri i tij, sa shumica e njerëzve nuk e besojnë dot se ai tingull nuk vjen nga një njeri.
Duke qenë se papagajtë janë të njohur për aftësinë e tyre për të imituar zërat njerëzorë — nga qeshja dhe të qarat, deri te fjalitë e plota — kjo sjellje nuk është krejt e panjohur. Por kur një zog qan si një foshnjë dhe bind me kaq sukses, situata shndërrohet në një histori që të bën të buzëqeshësh… dhe të hutohesh.
Pse e bëjnë këtë? Shkencëtarët mendojnë se imitim i zërave është një mënyrë që këta zogj përdorin për të tërhequr vëmendjen ose për t’u ndjerë pjesë e grupit të tyre social, në këtë rast – njerëzit.
Por performanca e këtij papagalli ka shkuar përtej imitimit për zbavitje – ka krijuar një incident të vërtetë.
Fqinjët në panik – dhe policia në derë
Tingujt e të qarës u dëgjuan për orë të tëra, derisa fqinjët e shqetësuar menduan se brenda shtëpisë po ndodhte diçka e rëndë. Pa e menduar gjatë, njoftuan autoritetet.
Kur mbërriti policia dhe kontrolloi banesën, ajo që gjetën ishte… një papagall i vogël, i qetë dhe “i pafajshëm”, që kishte mashtruar të gjithë me talentin e tij të jashtëzakonshëm.
Kjo ngjarje ka bërë xhiron e rrjeteve sociale, duke argëtuar mijëra përdorues që mezi besonin se një zog mund të krijojë një iluzion aq bindës. Por edhe me gjithë këtë talent të mahnitshëm, ka një të vërtetë të madhe:
Askush nuk do të donte ta kishte këtë zog si fqinj!
Nëse e dëgjon pa e ditur se çfarë është, përgatitu për një tronditje. Dhe nëse je fqinj i tij, ndoshta edhe një vizitë nga policia!