Këngëtari koreano-jugor Wheesung ka ndërruar jetë në moshën 43-vjeçare. Trupi i tij u gjet pa ndjenja në banesën e tij mëngjesin e së hënës, dhe policia po planifikon të kryejë një autopsi për të zbuluar shkakun e vdekjes. Megjithëse nuk janë gjetur shenja të një vrasjeje të mundshme, autoritetet kanë paralajmëruar se kishte kaluar një kohë e gjatë që kur ai kishte ndërruar jetë.
Agjencia e menaxhimit Tajoy Entertainment konfirmoi lajmin dhe e përshkroi atë si një humbje të madhe për industrinë muzikore. Wheesung, i njohur për hite të mëdha në Korenë e Jugut, përfshirë këngën e tij të famshme “Insomnia”, ishte planifikuar të performonte këtë fundjavë me këngëtaren KCM në Daegu.
Në postimin e tij të fundit në rrjetet sociale, Wheesung kishte njoftuar një koncert dhe kishte shkruar: “Humbja në peshë përfundoi. Shihemi më 15 mars.”
Wheesung kishte debutuar në vitin 2002 dhe ishte një prej këngëtarëve më të njohur dhe të vlerësuar për talentin dhe performancat e tij. Sidoqoftë, karriera e tij pati një kthesë kur u dënua në vitin 2021 për përdorimin e substancës propofol.