Aktorja dhe fituesja e “Big Brother VIP Albania”, Egla Ceno, ka ndarë me ndjekësit e saj një lajm të dhimbshëm mbi gjendjen shëndetësore të nënës së saj. Përmes një postimi në Instagram, ajo bëri të ditur se nëna e saj ka përjetuar një ishemi, e cila fatkeqësisht e ka lënë të paralizuar.
“Mami është jashtë rrezikut por ka mbetur e paralizuar pas ishemisë. Tani po luftojmë bashkë që të përmirësohet. Po ndjekim çdo hap të mjekimit,” shkroi Egla, duke treguar vendosmëri dhe forcë në këtë moment delikat familjar. Ajo theksoi se jeta nuk jeton për ditët e lehta, por për mënyrën si përballemi me ato të vështirat.
Mirënjohje për stafin mjekësor
Pavarësisht dhimbjes, Egla shprehu mirënjohje të thellë për mjekët dhe stafin e urgjencës në Berat, si dhe për mjekët e QSUT-së dhe Spitalit të Neurologjisë. Ajo i falënderoi ata për ndërhyrjen e shpejtë, profesionalizmin dhe përkushtimin. Aktorja i cilësoi mjekët si “simfoni jete” për rolin e tyre jetëshpëtues.
“Një përqafim të gjithë atyre familjarëve që po u drithërohet shpirti te koka e krevatit të njeriut të dashur,” shkroi Egla, duke reflektuar mbi dhimbjen dhe forcën që kërkohet në momente të tilla.
