Ngacmimet mes Erand Sojlit dhe Elinarës po bëhen gjithnjë e më të dukshme në reality show-n “Ferma VIP”, ku shpesh kalojnë kufijtë e shakave të zakonshme.
Së fundmi, gjatë një bisede të lirshme në ambientet e fermës, aktori i njohur u shpreh me tone ironike, por edhe flirtuese, duke i propozuar Elinarës që të bashkonin krevatet.
Deklarata e papritur e Erandit nuk kaloi pa vëmendje, sidomos për mënyrën se si e tha, dhe për kontekstin ku ndodhej: dukshëm një thumbim për ish-fermerët Alba dhe Limi, të cilët u larguan së fundmi nga gara, por u bënë temë diskutimi për shkak të marrëdhënies së tyre intime gjatë qëndrimit në fermë.
Dyshja, që krijoi një lidhje romantike në reality-show, u përfol për një skenë seksuale që besohet të ketë ndodhur në krevatet e bashkuara të tyre.
Kjo skenë duket se ka frymëzuar Erandin për të provokuar me humor Elinarën, ndërkohë që batutat vazhduan edhe me përfshirjen e një konkurrenti tjetër – reperit Big Basta. Në vijim të batutës, aktori i sugjeroi që të bëheshin “tresh”, duke ndezur më tej atmosferën me një përzierje flirti, ironie dhe show.
Dialogu i plotë i shkëmbyer mes tyre ishte si më poshtë:
Erandi: Elinara, do i bashkojmë krevatët? Ta kapim ndonjë prime bashkë?
Elinara (duke qeshur): Afrohu!
Elinara: Dhe ti, Big Basta, pse s’po afrohesh?
Erandi: Do vish të bëjmë një treshe?
Kjo skenë, e cila është bërë virale në rrjete sociale, ka ngjallur reagime të ndryshme nga ndjekësit, disa prej të cilëve e kanë parë si pjesë të humorit të zakonshëm të Erandit, ndërsa të tjerë e kanë konsideruar si tejkalim të kufijve të një loje televizive.