DETAJET NE VIDEO- Masakrohet me thike kengetari i njohur shkodran, motra e autorit lutet per…

Këngëtari i njohur shkodran, Ademir Fresku, është plagosur me thikë ne një ngjarje që ka ndodhur prane teatrit të qytetit, në një supermarket.

Ende rrethanat e ngjarjes nuk janë zbardhur, por deri më tani është konfirmuar se ai është dërguar me urgjencë në spital dhe aktualisht ndodhet nën kujdesin e mjekëve.

Policia dhe grupi hetimor kanë mbërritur në vendin e ngjarjes dhe po zhvillojnë hetime për të sqaruar shkaqet e plagosjes dhe rrethanat që e kanë shoqëruar atë. Sipas policise, autori i dyshuar i ngjarjes, Gjergj Dardha, 50 vjeç është arrestuar.

Sherri mes këngëtarit Ademir Fresku dhe Gjergji Dardhës ka nisur pasi 50-vjeçari shkonte në lokalin e këngëtarit i dehur. Kjo ka qenë arsyeja që Fresku i ka kërkuar Dardhës që të mos shkel më në lokalin e tij.

Por kjo nuk është pritur mirë nga 50-vjeçari, i cili pas disa debatesh ka nxjerr një thikë dhe ka qëlluar këngëtarin disa herë. Fresku është dërguar në spital për të marrë ndihmë mjekësore dhe ndodhet jashtë rrezikut për jetën.

Motra e Gjergj Dardhës, autori i plagosjes së Ademir Freskut të ndodhur pak më parë në Shkodër, në një deklaratë për News24, ka dhënë detaje në lidhje me shkaqet e ngjarjes.

Tereza Fusha, ka hedhur poshtë pretendimet se vëllai i saj është i alkoolizuar, ndërsa ka treguar se ai e ka qëlluar Freskun me një thikë të vogël.

“Ka shkuar të hedhë mbeturinat, ai i ka thënë mos i hidh këtu sepse i merr era e mi sjell.
Gjergji është vëllai im, ai e ka qëlluar me një thikë të vogël. Ka nënën të paralizuar. Gjergji nuk pi alkool”, u shpreh ajo.