Pas vendimit të Gjykatës Kushtetuese ku i dha të drejtë ankimit të Erion Veliajt dhe e ktheu atë në detyrë si kryetar bashkie në Tiranë, duket se mbështetësit e tij kanë menduar ta presin me festë.
Në afërsi të burgut të Durrësit, ku Veliaj ndodhet, kanë shpërthyer fishekzjarrët. Pamjet e siguruara nga korrespondentja e Top Channel Vali Qyrfyçi vijnë nga zona e ish-kënetës, ose siç quhet tani ‘Durrësi i ri’.
Në emisionin Top Story janë transmetuar pamjet që vijnë nga Durrësit, pranë burgut ku Erion Veliaj ndodhet, ku siç raportohet simpatizantët e tij kanë hedhur fishekzjarrë si një formë festimi pas vendimit të Kushtetueses.
Eksperti Ervin karamuço u shpreh se nga koha që kanë zgajtur këto fishekzjarrë dhe për nga intensiteti, mendohet se janë harxhuar rreth 2 mijë euro. Ndërkohë kujtoi se në vendin tonë hedhja e fishekzjarrëve është e ndaluar me ligj, si dhe po ashtu pranë institucioneve të sigurisë.
“Fishekzjarrët e tilla janë arka 200-300 euro, janë harxhuar nja 2 mijë euro me aq sa ka zgjatur këto fishekzjarrë. Këto janë dhe të ndaluara dhe në perimetër të afërt me një institucion, nuk lejohet, është e rrezikshme”, tha Karamuço.
Ndërkohë Arjan Curi u shpreh: Brenda te paraburgimi (ku ndodhet Veliaj) po pihet shampanjë e shtrenjtë.