Një aksident i rëndë rrugor ka ndodhur këtë pasdite në afërsi të Borshit, ku një furgon është përplasur me një automjet tjetër. Si pasojë e kësaj përplasjeje tragjike, dy persona kanë humbur jetën dhe dy të tjerë janë plagosur.
Sipas burimeve paraprake, viktimat janë një burrë rreth 60 vjeç dhe një grua rreth 55 vjeç, të cilët udhëtonin me furgon. Dy personat e tjerë të plagosur janë transportuar me urgjencë në spital për ndihmë mjekësore.
Në vendin e ngjarjes kanë mbërritur menjëherë forca të shumta policie dhe ekipe të emergjencës mjekësore. Ato po punojnë intensivisht për të zbardhur plotësisht rrethanat e aksidentit. Hetimet për ngjarjen vijojnë.