Uragani Erin u formua sot në Oqeanin Atlantik, duke u bërë uragani i parë i sezonit 2025 dhe duke u pozicionuar si një uragan i madh gjatë fundjavës, thanë parashikuesit e motit në SHBA. Erin u kthye në uragan pak para orës 11:00 të mëngjesit me orën lindore dhe ndodhej rreth 460 milje në lindje të Ishujve Leeward veriorë, duke lëvizur nga perëndimi në veriperëndim me rreth 20 km/orë. Erërat e tij u regjistruan në 75 km/orë me shpërthime më të larta, duke tejkaluar 74 km/orë që nevojiteshin për t’u klasifikuar si uragan i Kategorisë 1.
Sipas Alex DaSilva, Ekspert Kryesor i Uraganeve i AccuWeather, “Në këtë kohë nuk presim një goditje të drejtpërdrejtë në Shtetet e Bashkuara, por duhet ta vëzhgojmë atë për çdo rast. Ne presim që i gjithë Bregu Lindor të ndikohet nga valë të mëdha dhe rryma të forta javën e ardhshme.”
Parashikuesit e motit theksuan se është ende shumë herët për të përcaktuar saktësisht se çfarë ndikimi mund të ketë Erin në Bregun Lindor të Shteteve të Bashkuara, Bahamas dhe Bermuda, por paralajmëruan se kushtet e ashpra të dallgëve dhe rrymat e forta mund të jenë të pranishme në pellgun e Atlantikut, me potencial për kushte stuhie tropikale në Porto Riko dhe Ishujt Leeward. Ekspertët këshilluan përgatitje paraprake për ndikimet e mundshme të uraganeve.
Sipas parashikimit të fundit satelitor nga AccuWeather, ndikime të tjera në tokë përfshijnë mundësinë e valëve 10 deri në 15 metra të larta përgjatë Outer Banks, ishujve pranë Karolinës së Veriut dhe Virxhinias jugore, përmbytjeve të menjëhershme dhe rrëshqitjeve të dheut në Porto Riko dhe erërave me shpejtësi 60 deri në 80 mph në Bermuda. Erin parashikohet të bëhet një uragan i madh, i përcaktuar si një stuhi e Kategorisë 3 ose më e lartë. Uraganet e mëdha kanë shpejtësi ere mbi 110 mph, dhe AccuWeather parashikoi që Erin mund të ketë erëra prej të paktën 130 mph, gjë që do ta bënte atë një stuhi të Kategorisë 4.