Rrjetet sociale në disa raste na kanë dëshmuar se mund të ndryshojnë jetën e një individi apo familjeje (shoqërinë kurrsesi), për mirë… ama edhe për keq! Ka disa raste kur publikimi i historive njerëzore, (fëmijë të sëmurë, të mbetur pa strehë, familje mes skamjes, dhe lista vijon…) kanë bërë bashkë në pak orë mijëra shqiptarë duke iu dhënë dorën dhe një mundësi për t’ia dalë dhe ringritur. Dëshmitarë të këtyre rasteve jemi thuajse të gjithë dhe kjo është e bukur, frymëzuese dhe e shëndetshme.
