Një javë më parë, Parashqevi Simaku u shpëtua nga stacioni i trenit ku dhe qëndronte në New York, për t’iu ofruar një jetë dinjitoze, ashtu si e madhja artiste shqiptare e meriton.
Ishte shqiptarja Elvira Tata dhe biznesmeni Elton Ilirjani ata të cilët u kthyen në “heronjtë” e Parashqevisë dhe përgjatë gjithë këtyre ditëve janë kujdesur që ta kthejnë këngëtaren shqiptare ashtu si dhe ajo ka qenë vite më parë, shndritëse, plot dinjitet dhe dashuri për jetën dhe profesionin e saj.
Ndërkohë, pas gjetjes së Parashqevisë të shumtë kanë qenë ata biznesmenë të cilët u ofruan për ta ndihmuar. Por, sipas asaj që Eltoni thotë së fundmi asnjë prej atyre biznesmenëve nuk e ka kontaktuar as atë, as familjarët e saj.
