Ka përfunduar procesi i numërimit të votave në shumicën e qarqeve për Primaret e PD. Në qarkun e Fierit në listën me 22 kandidatë, më i votuar ka dalë ish-kandidati për kryetar Bashkie, Eduart Sharka me 795 vota, më pas deputeti aktual Luan Baçi renditet i dyti me 677 vota, e ndjekur nga Elisabeta Redhi me 492 vota dhe Saimir Korreshi me 477 vota.
Në qarkun e Durrësit nga 37 emra në listë, më të votuar kanë dalë Igli Cara i pari me 622 vota, i ndjekur nga Manjola Luku me 424 vota dhe Aulon Kalaja me 296 vota. Më pas renditen Dritan Burgija dhe Luan Hoti.
Në Qarkun e Elbasan nga 21 emra që ishin në garë, më shumë vota kanë deputeti Dashnor Sula 550 vota dhe pedagogu Blendi Himçi me 490 vota, Ilirjan Alliu me 421 vota dhe Aurel bylykbashi me 343 vota.
Fituese e primareve në Vlorë është deputetja Ina Zhupa, me 765 vota, i dyti është ish-kryetari i PD-së së Vlorës, Atird Hoxha 488 vota dhe e treta renditet ish-kryetarja e PD-së së Sarandës, Manjola Nikollo 402 vota.
Në një deklaratë për mediat, Partia Demokratike deklaroi se në procesin e Primareve që u mbajt në të gjthë vendin kanë votuar mbi 50 mijë anëtarë.