Tashmë publiku e di që nga Gjesti mund të pritet çdo gjë në shtëpinë e “Big Brother VIP 4”, por sigurisht duke mos kaluar asnjë limit. Mbrëmë ai ka vendosur që rrobat e palosura në lavanderi t’i marrë dhe t’i hedhë në tokë, në living.
E kuptohet që një veprim i tillë nuk është pritur aspak mirë prej disa banorëve të shtëpisë më të famshme në Shqipëri, por ka patur të tjerë që kanë qeshur me të.
Gjesti ka marrë rrobat e lara të disa banorëve nga lavanderia dhe i ka hedhur në mes të dhomës së ndenjës, duke shkaktuar reagime të ashpra.
Banori e ka justifikuar këtë veprim si një shenjë revolte, pasi kishte kërkuar disa herë që rrobat të largoheshin nga lavanderia, por kërkesa e tij ishte injoruar.
“I thashë disa herë t’i merrnin rrobat dhe nuk e bënë. Nuk jam unë shërbëtor këtu”, tha ai.
Ky veprim ka nxitur pakënaqësi te disa banorë, të cilët e kanë konsideruar si mungesë respekti.
Disa prej tyre janë shprehur të revoltuar, duke e akuzuar Gjestin për sjellje të ashpër dhe arrogante, ndërsa të tjerë e kanë cilësuar këtë moment si një tension që mund të ishte shmangur me komunikim më të mirë.
Ndërkohë Valbona kur pa Gjestin me rrobat në duar duke qeshur i thotë:
“Pse ça të them unë bën?”.
Ndërsa Ola kur sheh rrobat në tokë ia bën “Fiks sikur është bërë dengu”.