Një lajm i trishtë ka tronditur politikën shqiptare, pasi ditën e sotme u njoftua se është ndarë nga jeta në moshën 78-vjeçare diplomati i shquar, publicisti, ish-deputeti i Kuvendit të Shqipërisë Bashkim Zeneli.
Mësohet se Zeneli ka ndërruar jetë në një spital jashtë vendit pasi vuante nga një sëmundje, duke lënë pas një karrierë të gjatë në gazetari, politikë dhe diplomaci, si dhe një kontribut të rëndësishëm në përfaqësimin e Shqipërisë përtej kufijve shqiptarë.
Kush ishte Bashkim Zeneli?
Emri i tij renditet në listën e personave të njohur të diplomacisë dhe politikës shqiptarë që në tranzicion, kur jeta politike e Shqipërisë po rilindte pas rënies së regjimin komunist.
Me një formësim në fushën e Drejtësisë, Zeneli nisi karrierën si përkthyes i gjuhës gjermane, e më pas u angazhua në gazetari dhe politikë.
Zeneli ka qenë pjesë e themelimit të Partisë Socialiste, e për disa vite ka dhënë kontributin e tij në Kuvend ku dhe ka mbajtur role të rëndësishme, kryesisht me marrëdhëniet me jashtë vendit.
Zeneli shërbeu si ambasador i Shqipërisë në Gjermani në fund të ’90. Ndërsa për një periudhë tre vjecare nga 2002 deri në 2005 ai përfaqësoi vendin tonë në Greqi, duke e bërë Zenelin një ndër personat më të spikatura të Shqipërisë jashtë vendit.
Në 2018, presidenti i asokohe, Ilir Meta e ka dekoruar me titullin e lartë “Mjeshtër i Madh”, për kontributin që ai kishte dhënë ndër vite në diplomaci dhe politikë, karriera e të cilit shtrihet në një periudhë të gjatë kohore, më shumë se dy dekada.
Mirëpo Bashkim Zeneli nuk ishte i njohur vetëm për angazhimin dhe kotributin e dhënë në politikë,. ai ishte dhe autor, ku u angazhua kryesisht në publicisitikë dhe shkrime të shumta.
Një jetë të shtrirë në disa role, Bashkim Zeneli la pas një kontribut të bollshëm për vendin tonë e jo vetëm pasi ndërthuren bashkë politika, përfaqësimi diplomatik dhe publicistika.
